سوف تجدون في ذلك القسم جميع الفعاليات القادمة وأرشيف كامل لكافة ورش العمل والفعاليات والتدريبات السابقة والتي تم تنفيذها من خلال صعيدي جيكس

برنامج صعيدي جيكس الرمضاني بسوهاج

سوهاج 25 يونيه, 2015


بيكم بدأنا وبدعمكم مكملين وعشانكم مبنعرفش معنى اليأس
ما علينا من الكلمتين الحلوين دول 😀
احنا عاوزين نعمل حاجة جامدة جدا في رمضان السنة دي بإذن الله وكالعادة مشكلتنا الأساسية حتى الآن ان كل شغلنا من يوم ما بدأنا ولأكتر من 4 سنين قائم على الجهود الذاتية
ومع ذلك برضه مش هنقف وهنعمل كل اللي عاوزينه

أول فاعلياتنا في شهر رمضان لهذا العام هي
#قعدة_صعيدي سوهاج رمضان 1436 _ 2015
كل اللي محتاجينه في الورش دي مكان نجمع فيه أو أي مكان يكون مناسب لقعدتنا ومفيش أي شروط في المكان، يعني ممكن تستقبلنا في بيتك 😀 أو ممكن نروح كافيه مثلا بس ساعدنا بانك تقترح علينا مكان لأننا مش هنكون أدري منك ببلدك 😉
نتمنى اننا نزور كل مدن محافظة سوهاج بإذن الله خلال شهر رمضان فرجاءا ساعدونا.
التسجيل من هنا

ثاني فاعلياتنا في محافظة سوهاج خلال شهر رمضان وهو #الإفطار_الجماعي_الرمضاني_للجيكس_بسوهاج
فريق صعيدي جيكس في سوهاج بيحاول يجهزلكم فطار مميز من بداية رمضان
وأخيراً الإفطار جاهز بإذن الله

* تنويه هام : الأماكن محدودة لذا فرجاءاً إن لم تكن واثقاً في حضورك إترك المكان ليستفيد به غيرك وشكراً لتفهمكم
*مفاجأة : هيكون معانا ضيوف جيكس من محافظة سوهاج هيشاركونا الإفطار هتعرفوهم لما تيجوا 😉
اه وعلى فكرة متنسوش الهدايا