سوف تجدون في ذلك القسم جميع الفعاليات القادمة وأرشيف كامل لكافة ورش العمل والفعاليات والتدريبات السابقة والتي تم تنفيذها من خلال صعيدي جيكس

تدريب لينكس سوهاج- من فاعليات رحلة الاسكندرية اسوان بالعجلة

سوهاج 4 مايو, 2014


تدريب لينكس ، مجاناً

الحدث الرئيسى من هنا

الدعوة عامة ، نقاش غير ديموقراطى وغير بناء حول الاوبن سورس

كلنا طول الوقت محددين اهدافنا، عارفين احنا عايزين ايه، مابنضيعش وقت، معظمنا عنده اختراعات كتير متسجله باسمه، ولاول مرة فى حياتنا عندنا فرصة عظيمة نضيع من وقتنا 5 ساعات فى تدريب عبثى مالهوش اى فايدة، ولا معلومة واحدة مفيدة فيه، ولا معلومة صح، كله هرطقة، اللى مش مستعد يضيع 5 ساعات من حياته فى كلام فاضى لو سمحت خليك عندك كمل اكتشافاتك العلمية وسيبنا نعك 🙂

طريقه جديده فى التفكير فى التعليم فى الشغل
التدريب مش للناس اللى عايزة شهادات قد ما هو للناس اللى عايزة العلم والخبرة

مافيش منهج ، مافيش ماتريال ، ومافيش انستركتور ، مش هانحط ترابيزة ولاب الانستركتور ، هافتح لابى ونعد نفكر سوى وكل واحد فينا هايطلع يعبر عن نفسة سواء على البورد لو عايز يشرحلنا حاجة او على اللاب اللى متوصل بالداتا شو ، لما حد يسالنى على حاجة مش هاجاوب بس هاقوده للاجابة ومنها الى معلومات جديده

هو ده مش كورس بالمعنى التقليدى ، يعنى مافيش جهاز بيتم الشرح عليه ، ده اشبه ما يكون بإنى جايب 50 واحد عشان ادربهم يشتغلوا فى التيم فى شركة مثلا ، فـ كله بيشتغل عل جهازه وكله بيشرح وكله بيسال وكله بيفكر بصوت عالى .

التدريب بيتم فيه نشر فلسفة البرمجيات مفتوحة المصدر
واللى بيتم التدريب فيه بشكل غير مباشر على اعادة النظر فى العادات والتقاليد العقيمة ، التفكير ، التحليل ، البحث عن معلومات ، الصبر ، التحدى ، تغيير مفاهيم كتير عن التعليم وعن حاجات كتير فى حياتنا ويومنا العادى ، وحاجات تانية كتير

واللى اقدر اتحدى بالناس اللى بتخرج منهم اى حد متعلم بالطرق العقيمة للتعليم فى الوطن العربى

'