سوف تجدون في ذلك القسم جميع الفعاليات القادمة وأرشيف كامل لكافة ورش العمل والفعاليات والتدريبات السابقة والتي تم تنفيذها من خلال صعيدي جيكس

تدريب لينكس بنى سويف – من فاعليات رحلة الاسكندرية اسوان بالعجلة

بنى سويف 16 ابريل, 2014


تدريب لينكس ، مجاناً

الحدث الرئيسى من هنا

الدعوة عامة

طريقه جديده فى التفكير فى التعليم فى الشغل
التدريب مش للناس اللى عايزة شهادات قد ما هو للناس اللى عايزة العلم والخبرة

مافيش منهج ، مافيش ماتريال ، ومافيش انستركتور ، مش هانحط ترابيزة ولاب الانستركتور ، هافتح لابى ونعد نفكر سوى وكل واحد فينا هايطلع يعبر عن نفسة سواء على البورد لو عايز يشرحلنا حاجة او على اللاب اللى متوصل بالداتا شو ، لما حد يسالنى على حاجة مش هاجاوب بس هاقوده للاجابة ومنها الى معلومات جديده

هو ده مش كورس بالمعنى التقليدى ، يعنى مافيش جهاز بيتم الشرح عليه ، ده اشبه ما يكون بإنى جايب 50 واحد عشان ادربهم يشتغلوا فى التيم فى شركة مثلا ، فـ كله بيشتغل عل جهازه وكله بيشرح وكله بيسال وكله بيفكر بصوت عالى .

التدريب بيتم فيه نشر فلسفة البرمجيات مفتوحة المصدر
واللى بيتم التدريب فيه بشكل غير مباشر على اعادة النظر فى العادات والتقاليد العقيمة ، التفكير ، التحليل ، البحث عن معلومات ، الصبر ، التحدى ، تغيير مفاهيم كتير عن التعليم وعن حاجات كتير فى حياتنا ويومنا العادى ، وحاجات تانية كتير

ممكن تعرفوا أكتر عن التدريب من إيفنت التدريبات اللى فاتت فى
– القاهرة : من هنا
– او من تدريب المنصورة : من هنا
– او من تدريب المنصورة التانى : من هنا
– او من تدريب اسكندرية : من هنا
– او من تدريب القاهرة التانى : من هنا

وتدريبات تانية كتير فى طنطا واسماعيلية وبنها

و اللى بيتم فيهم تشبيك الناس المهتمة ببعض ، واتعمل خلاههم
Open IT Cairo
Open IT Mansoura
Open IT Alexandria
Open IT Benha
واللى اقدر اتحدى بالناس اللى بتخرج منهم اى حد متعلم بالطرق العقيمة للتعليم فى الوطن العربى

'