سوف تجدون في ذلك القسم جميع الفعاليات القادمة وأرشيف كامل لكافة ورش العمل والفعاليات والتدريبات السابقة والتي تم تنفيذها من خلال صعيدي جيكس

أكتب كود

قنا - مقر صعيدى جيكس 27 يونيه, 2015

قولنالكم قبل كده إن السر بيبقى فى الكود واتكلمنا عن تصميم الويب – Web Design ! وانتوا أكيد اتأكدتوا إن السر دايمًا في الكود !
طيب إزاى تسيطر بقى وتبقى حريف بمعنى الكملة وكودك يبقى نضيف؟
هانقولك بقى 😉
احنا اتعلمنا فى أول ورشة من سلسة ” أكتب كود ” اللي بدأت يوم 4 مايو وانتهت يوم 6 مايو
خلال الفترة دي اتعلمنا أساسيات ” html – css “
لو حضرت معانا الورشة الاولى دي هتبقى مُلم بالأساسيات وأكيد بقى وأنت جاى المرادى هتفرجنا على شغلك الجميل 😉
إنما لو محضرتش الورشة الاولى هتيجي بقى وهتتعلم برضه وكلها كام يوم وهترجع تفرجنا على شغلك 😉

طيب دلوقتي هنكمل سوا السلسلة، أو لو أنت جديد هتحضر معانا السلسة دي علشان تطلع راجل مصمم ويب حريف 😀
الورشة هتبقى على مدار 6 أيام كل يوم هنتعلم فيه حاجة جديدة وهنطبق على اللي بنتعلمه بإيدينا وهنكمل على شغلنا تاني يوم لأن كل يوم هيكمل اليوم اللي بعده علشان تطلع تصميم للموقع اللي انت عايزه بالشكل اللي انت راسمه 😉
محتوى الورشة: ” ورشة عمل تصميم مواقع الإنترنت ”
الورشة على مدار 6 أيام
تبدأ الورشة من يوم 27/6 وتنتهى يوم 2/7
يوميًا من الساعة 10:00 صباحاً إلى الساعة 03:00 عصراً

اليوم الأول:
– تعريف ومدخل عن أساسيات لغة بناء المواقع HTML
– مراحل تطوير لغة HTML على مدار السنين الماضيه
– تدريب على كتابة رموز HTML والطريقه الصحيحm لتنسيق الأكواد مع بعضها.

اليوم الثاني:
– تعريف عن لغة css
– أهمية css وكيف تؤثر في أداء وسرعة الموقع
– تدريب كتابة رموز css ودمجها مع HTML

اليوم الثالث:
– تعريف بالـ Javascript
– كيفية إستخدامها وربطها بتصميم موقعك

اليوم الرابع :
– التعريف بالـ JQuery
– كيفية إستخدام الـ JQuery في تصميم الموقع

اليوم الخامس :
– تعريف بالـ BootStrap
– كيفية إستخدامه فى موقعك

اليوم السادس :
– مراجعة واختبارات المستوى في الأيام الخمسة الماضية .
مقدم الورشة : Abdalrahman Ahmed
مكان الورشة: ( قنا ) – مقر صعيدى جيكس S3Geeks Foundation
شارع وفاء النيل – الكنوز – خلف كافيه دردشه – بجوار سوبر ماركت ابو حشيش – بعد محل عصير القصب على طول الدور الثالث.

• ملاحظات:
1- الورشة للمبتدئين ولا ينصح بحضورك إن كنت من المتقدمين فى مجال تصميم المواقع .
2- الذين سبق لهم حضور الورشة الاولى من سلسلة ” إكتب كود ” يمكنهم الحضور من البداية واستكمال الورشة، أو حضورهم فى الأيام الأربعة الأخيرة (ولكن يفضل حضورك من أول يوم).
3- يفضل أن تأتى بحسابوك حتى تقوم بكتابة أسطر الكود بنفسك أثناء المحاضرة للتطبيق وزيادة تثبيت المعلومات .

'