برنامج (سفراء وسفيرات) صعيدي جيكس

تم إطلاق وتنفيذ برنامج (سفراء وسفيرات) صعيدي جيكس حتى يساعدنا على إقامة وتنفيذ فاعليات وورش عمل في كل محافظات الصعيد المختلفة، من إعداد وتنظيم سفراء وسفيرات صعيدي جيكس، وحتى يكون السفير هو حلقة الوصل بين صعيدى جيكس والمحافظة التى ينتمى إليها تتلخص تلك الفاعليات فى تنفيذ وورش عمل وقعدات وتدريبات تقنية وريادية، كل سفير/سفيره من خلال هذا البرنامج يكتسب العديد من الخبرات التنظيمية – التقنية – التكنولوجية والريادية بجانب حصوله علي دعوات مجانية بدعم من صعيدي جيكس لحضور فاعليات ومؤتمرات وورش عمل محلية ودولية. يحتوى برنامج السفراء\السفيرات بالمحافظات على شباب\وشابات لديهم خلفية تقنية كافية لإنجاز المهام ويرأس كل محافظة سفير\ة من اصل 4\6 سفراء\سفيرات يدير وينسق الامور المختلفة الخاصة بالمحافظة ويرفع التقارير مباشرة الى فريق الموارد البشرية بصعيدي جيكس.

سلسبيل عبدالحافظ

قائد سفراء محافظة أسوان

من محافظة اسوان , قائد سفراء محافظة أسوان بصعيدى جيكس … كلية هندسة – تخصص نظم وحاسبات – بحب البرمجة والقراءة والشاى بالنعناع بالنسبة لى صعيدى جيكس مش مجرد نشاط عادى اشتركت فيه دة جزء من كيانى وهويتى الشخصية علشان نطور مجتمعنا فى صعيد مصر ونحقق كمان طفرة فى مجال التكنولوجيا والتقنية فى الصعيد وجزء من مسؤليتنا امام الله عزوجل فى امانة تبليغ ونشرالعلم النافع ونجعله وسيلة لجعل الناس تعيش حياة كريمة علشان كدة بحاول ابذل جهدى اننا نقدر نخلى الحلم دة حقيقة باذن الله

مايسة عبدالعليم

سفيرة

انا مايسة خريجة كلية هندسة قسمن نظم وحاسبات جامعة الازهر لعام 2015 اعمل سفيرة فى محافظة قنا اشتركت فى الكثير من الانشطة الطلابية خلال فترة دراستى فى الجامعة سوف اعمل بإذن الله فى مجال تخصصى الدراسى

إسراء محيي محمد

قائد فريق السفراء المنيا

اسراء محيي 21 سنة , قائدة فريق السفراء في محافظة المنيا..وخريجة كلية الحاسبات والمعلومات مهتمة بالبرميجات عموما وبالـopen source خصوصا ..اعمل مع فريق سفراء صعيدي جيكس لإقامة ورش العمل والايفينتات التقنية التي تساهم في دعم المجال التقني في الصعيد

سندس محمود عبدالحليم

سفيرة

سندس 24 سنه سفيره من سفراء المنيا في صعيدي جيكس خريجة هندسة الكترونيات منوف 2014 قسم تحكم صناعي مهتمه جدا بمجال ال embedded systems حاليا بحضر منحة وزارة الاتصالات MCIT في نفس المجال ده وان شاء الله السنه دي هقدم ماستر فيه فخوره جدا بانتمائي لصعيدي جيكس ونفسي ننتشر اكتر من كده ونصل للقري كمان مش بس المدين والمحافظات

سيف الدين أحمد عبد الحميد

سفير

20 سنة، من أسيوط، في طب بيطري و لكني لست بطبيبا ولا بيطريا و إنما مهتم بالتقنية خاصة تصميم و تطوير المواقع و لسه بتعلم مش محترف يعني. إحتمال أأسس أول وكالة فضاء مصرية و عربية، لسه بفكر ما قررتش.

مروه نوح مصطفي

سفيرة

من محافظة الوادي الجديد , ٣٤ سنه واحاتيه ، سفير ومدير فريق صعيدي جيكس بالوادي الجديد،اتخرجت من جامعة اسيوط كلية تربيه علوم وبعدين كملت دراستي في كليه علوم طنطا،بشتغل مدرسه ،بشتغل في العمل التطوعي كتير اوي،باخد كورسات تنميه بشريه ،بحب اتعلم شيء عن كل شيء لسه مفكرتش اتخصص في شيء محدد ،لكن انا شغوفه بالتكنولوجيا والتطور التقني،مش بفكر اتخصص بتمني تطوير الفريق اكتر واني اقدر اعمل حاجه.

محمد صلاح عبدالرحمن

مدير سفراء اسيوط & منسق شبكات إجتماعية في صعيدي جيكس

من محافظة اسيوط , 23 سنه سفير فى محافظة اسيوط ثم مدير سفراء اسيوط و منسق شبكات إجتماعية في صعيدي جيكس اخر سنه فى حاسبات ومعلومات مهتم بالتكنولوجيا والتقنية دلوقتى مهتم بـ big data analytics اشتغلت mobile and web developer هوايتى تحرير الفيديوهات ورسومات ثلاثية الابعاد

محمد أحمد عبدالرحيم

سفير

شهرتي محمد حمزه بكالريوس تجاره – بحب رياده الاعمال سفير صعيدي جيكس في سوهاج بحب العمل التطوعي اتشرف بالانضمام لفريق صعيدي جيكس

روان رفعت

سفيرة

سفيرة صعيدى جيكس بمحافظه اسيوط .. درست computer science في حاسبات ومعلومات اسيوط. مهتمه بالتقنية وبحب البرمجه وcّode ـت بمعظم اللغات .مبتدئه في مجال الـ pen-tester .

معتصم خلف

سفير

من محافظة المنيا , 19 سنه ،منياوى ،2 كلية التربية النوعية قسم الحاسب الألى ،دوت نت ديفيلوبر عملت مشاريع مبيعات وادارية عندى خبره سنه ونص مشاريعى ديسك توب مثال مشروع ادارة مبيعات ومخازن وعملاء ومشروع لإدارة معامل التحاليل الطبية ،ومشروعين إدارين أخرين بشركه وبجمعيه خيرية مهتم جدا بالبرمجة ومسابقات البرمجه بحب اتعلم جديد لو هروح فين علشان اتعلمه غير مهتم بالكلية إطلاقا إلا ف الحاجه اللى بحس انى هستفاد منها

عفوا .... لم يعد هناك المزيد من الموضوعات ليتم عرضها