09

يونيو

طريقك لتصميم المواقع من الصفر إلى الاحتراف

بتدخل مواقع كتير وبيبقى نفسك إنك تعمل زى المواقع اللى بتدخلها دى
أو نفسك تعمل موقع فكرته جات فى دماغك وبتدور على مصادر تتعلم منها ازاى تعمل موقع بالتصميم اللى أنت عايزه
كل اللى عليك أنك هتشوف الدورات دى وتختار منهم لمحاضر تتعلم منها وهتمشى بالترتيب كده علشان تطلع الموقع بشكل كويس ومناسب.

الاول لازم تتعلم وتعرف يعنى ايه HTML ودى ممكن تتابع دورة من أحدى الدورات التالية:
دورة عبدالله عيد فى تصميم المواقع بلغة الـ HTML.
دورة يوسف إسماعيل فى تصميم المواقع بلغة الـ HTML.
كورس فى HTML 5 مستوى متقدم عن الـ HTML.

بعد ما إتعلمت المرحلة الاولى من مراحل تصميم المواقع لازم دلوقتى تتعلم تانى مرحلة وهى المرحلة اللى بتحط التأثيرات وشوية شغل كده علشان موقع يعجب الـ Visitors بتوعك ويرجعولك تانى ودى هتعملها بالـ CSS وهتتعلمه من خلال الدورات الاتيه:
مدرسة كليبرز   فى الـ CSS.
مدرسة كليبرز فى الـ CSS3.

بعد ما هنتعلم الـ CSS هندخل على مرحلة تانية مهمة علشان تدى لمسات أجمل للموقع بتاعك وهى الـ Java Script ودى هنتعلمها من هنا:

دورة عبدالله عيد فى الجافا سكربت.
دورة يوسف إسماعيل فى الجافا سكربت.

بعد ما تمر بالمراحل الثلاثة دول هتقدر تطلع تصميم كويس لموقعك، وبعد اما تخلص تعليم الكورس ده مستنينك ترجعلنا تورينا المواقع اللى أنت اشتغلت عليها وعملتها بايديك 🙂

من محافظةالمنيا , 22 سنة وشهور، مبرمج دوت نت حرً ، مؤسس فريق coder #36 فريق متخصص فى مجال التقنية – بحب التدوين جداً وبعشق كتابة المحتوى ? – اشتغلت SEO Specialist من فترة علشان بحب التحدى ، بحب السوشيال ميديا علشان بقضى وقت كبير عليها وبستفاد منها كتير، مسئول عن قسم الـ IT فى جمعية مصر بقرية البرشا “والفرع الرئيسى بالقاهرة”، مؤسس مشارك فى Event True موقع متخصص فى الـ Events.، بحب السمك والفراخ المشوية كتير ? مقولتى المفضلة ” الاحلام بتحقق لما بنصدق ^_^ “